Taringek baliak maso sikolah dulu, jo minuman kebesaran, nan rasonyo sabana sero. Kok kini yolah jarang kesempatan untuak manikmatinyo. Antah dari ma asa minuman ko, tapi nan pasti di kadai lain salain kadai urang awak jarang ditamukan minumanko, malahan ado nan taheran heran kalau ado minuman nan sarupoko., penyajian dan caro maminum nyo ‘punyo gaya tersendiri… mangocok bahan utamonyo + gulo ko punyo teknik juo, lah samparono kental sahinggo tangkai pangocok ko sulik untuak diputa..lah tajarang aia mangulagak dimasuak an teh bendera nan kamek..dituang kagaleh katiko sadang mangalagak..dibuek duo tigo kali tuang aienyo, bia samparono lengek lenggeknyo, diambiak tadah ka aleh galeh , di racik limau kapeh salayang,di kisai jo panile salayok untuak paharum n “topping’ nyo, disiapkan sagaleh aia putiah, nan dicilamkan limau kapeh sasaik,..muloi kito cubo maminum minuman kabasaran ko jo mahiruik ruok nan malanjuang , dikacau jo sendok kaciak…lah agak dingin di hidu hidu kanikmatan baunyo..didaguik daguik duo tigo hiruik….lah sampai hiruik nan terakhir di piciangan mato saketek…manikmati hiruik pangabisan. didaguik daguik aia putiah tigo hiruik…alhamdulillah lah salasai acara minum minumaman nan sabana mantapko. Sudah tu barangkek
sikolah jo mato nan alah nyalang jo pikiran nan alah tarang…….gara gara TEH TALUA……..